हामी सबैकाे संसारन्यूज

१० असार, काठमाडौ । काठमाडौ महानगरले घरबहाल सम्बन्धमा नयाँ योजना ल्याएको छ ।

बुधबार सार्बजनिक गरेको बजेट मार्फत महानगरले संकटको बेलामा घर बहालमा छुट दिने घरबेटीहरुलाई बहाल करमा पनि छुट दिने घोषणा गरेको हो ।

महानगरले कम्तीमा १ महिनाको बहालमा छुट दिने घरबेटीलाई १० प्रतिशत करमा छुट दिने जनाएको छ । यसका लागि घरबेटीले बहालमा छुट दिएको स्वघोषणा गर्नु पर्ने छ । त्यस्तै नगरपलिकाले आगामी वर्ष बहाल करमा कडाई गर्ने संकेत पनि गरेको छ । बहाल कर काठमाडौ महानगरको मुख्य आम्दानीको स्रोत हो ।

कोरोना भाईरसको माहामारीका कारणले आजित भएका डेरावाल पछिल्लो पटक घरबेटीहरुद्वारा पिडित भएका थिए । यसलाई मध्य नजर गर्दै महानगरले बहाल करमा छुट दिने प्रस्ताब ल्याएको छ । यसले व्यापार व्यवसाय गरेर बसेकहरुलाई केहि सहुलियत हुने कुरा पनि महानगरले जनाएको छ ।