Sansar News
११ असार, काठमाडौं । अविरल वर्षासँगै परेको चट्याङ लागेर मकवानपुरमा दुई जना महिलाको आज मृत्यु भएको छ ।
मृत्यु हुनेमा मकवानपुर बकैया गाउँपालिका–२ का बुद्ध घिसिङको १७ वर्षीया छोरी सम्झना घिसिङ र आशालाल घिसिङकी २५ वर्षीया श्रीमती विना घिसिङ रहेको प्रहरीले जनाएको छ । सम्झाना घरमै बसिरहेको अवस्थामा अस्पताल लैजाँदा लैजाँदै र विनाको स्थानीय दोभान स्वास्थ्य चौकीमा उपचारको क्रममा मृत्यु भएको जिल्ला प्रहरी कार्यालयले जनाएको छ ।
यस्तै स्थानीय पूर्णबहादुर जिम्बाको घाइते १४ वर्षीय छोरा किरण जिम्बाको सो स्वास्थ्य चौकीमा उपचारको लागि भर्ना गरिएको छ । अविरल वर्षाले तरकारी बालिमा असर पारेको स्थानीय किसानको गुनासो छ ।
मकवानपुर नेपालको अध्याधिक चट्याङ् पर्ने ठाउँ हो । चट्याङका कारण नेपालमा बर्षेनी सयौंले ज्यान गुमाउने गरेका छन् । रासस
वि.सं.२०७७ असार ११ बिहीवार १३:२७ मा प्रकाशित
