Sansar News
११ असार, काठमाडौं । सत्तारुढ नेकपाका अध्यक्षद्वय केपी शर्मा ओली र पुष्पकमल दाहाल ‘प्रचण्ड’बीच बिहिबार दिउसो भेटवार्ता भएको छ । अध्यक्षद्वयबीच प्रधानमन्त्री निवास बालुवाटारमा भेटवार्ता भएको हो ।
स्थायी कमिटी बैठकमा चर्काचर्कीमा उत्रिएका अध्यक्षद्वयबीच आगामी बैठकका एजेण्डाबारे छलफल भएको बालुवाटार स्रोतले जनाएको छ । स्थायी कमिटी बैठकमा अप्ठयारोमा परेका ओलीले आगामी बैठकका एजेण्डाबारे अर्का अध्यक्ष प्रचण्डसँग छलफल गरेका हुन् ।
बुधबारदेखि सुरु भएको स्थायी कमिटी बैठकमा पार्टी एकता, सरकारको कामको समिक्षा, एमसीसी, सीमा समस्यालगायतका एजेण्डा छन् । शुक्रबार पुनः बस्ने बैठकमा सरकार र पार्टीको कामकारबाहीबारे कडा बहस हुने देखिन्छ ।
शुक्रबारको बैठक सरकार र पार्टीको नेतृत्व सम्हाल्दै आएका ओलीमाथि निकै प्रश्नहरु पेचिलो ढंगले आउने सम्भावना छ । कोरोना संकटकै बीच अप्रत्यासित दुई अध्यादेश ल्याएसँगै पार्टीभित्र चर्किएको विवादका कारण ओली एक्लींदै गएका छन् ।
पछिल्लो समय एमसीसी अध्ययन कार्यदलको सुझाव विपरित एमसीसी पारित गराउन खोज्दा माधव नेपाल समुह र झलनाथ समुहमाथि ओलीमाथि खनिएको छ ।
वि.सं.२०७७ असार ११ बिहीवार १७:०३ मा प्रकाशित
