हामी सबैकाे संसारन्यूज

काठमाडौं । सत्तारुढ नेपाल कम्युनिष्ट पार्टी (नेकपा)को स्थायी समितिको चौथो दिनको बैठक सुरु भएको छ । बैठक प्रधानमन्त्री निबास बालुवाटारमा भर्खरै सुरु भएको प्रधानमन्त्रीका प्रेस सल्लाहकार सुर्य थापाले जानकारी दिएका छन् ।

उनले जनाएअनुसार आजको बैठकमा प्रधानमन्त्रीसमेत रहेका पार्टी अध्यक्ष केपि शर्मा ओलीको पनि सहभागिता छ । यसअघि गत शुक्रबारको बैठकमा उनको उपस्थिति थिएन भने शनिबारको बैठकमा पनि केहीबेरमै बैठकबाट बाहिरिएका थिए ।

बुधबारदेखि सूरु बैठक बीचबीचमा स्थगित हुँदै आज चौथो दिन बसेको हो । गत शनिबार बसेको बैठक आइतबार र सोमबार दुई दिनसम्म स्थगित भएको थियो ।

बैठकमा यसअघि तय भएको ७एजेण्डामा छलफल भईरहेको छ । बैठकमा एमसीसी, नक्सा संशोधन, पार्टी तथा सरकार सञ्चालनलगायतका एजेण्डामा छलफल भईरहेको छ । पछिल्लो प्रधानमन्त्रीको अभिव्यक्तिबारे पनि बैठकमा छलफलको तयारी गरिएको छ ।

मंगलबारको बैठकमा वरिष्ठ नेता झलनाथ खनाल, माधव नेपाल, सचिवालय सदस्यहरु ईश्वर पोखरेल, रामबहादुर थापालगायत बोल्ने कार्यक्रम छ ।