हामी सबैकाे संसारन्यूज

काठमाडौं । चिनियाँ मोबाइल एप्समाथि प्रतिबन्ध लगाएको भारतले फेरि विभिन्न ४० वेभसाईटमाथि प्रतिबन्धको घोषणा गरेको छ । जि न्यूजले जनाएअनुसार भारतको गृहमन्त्रालयले विभिन्न ४० वेभसाईटमाथि आइतबारदेखि प्रतिबन्ध लगाएको हो ।

जनाइएअनुसार प्रतिबन्धत वेभसाईट प्रतिबन्धित संगठन सिख्स फर जस्टिससँग सम्बन्धित थिए । जनाइएअनुसार उक्त वेभसाईटहरुमा स्वतन्त्र खालिस्तान (पञ्जाब)को अभियानमा समर्थन गर्ने सामाग्रीहरु राखिएका छन् ।

सिख्स फर जस्टिसमाथि ५३ वर्षदेखि प्रतिबन्ध

सिख्स फर जस्टिस स्वतन्त्र खालिस्तान अर्थात पञ्जाबी देशको समर्थन गर्ने संगठनको नाम हो । सिख समुदायको बाहुल्य रहेको भारतको पञ्जाब क्षेत्रमा उक्त संगठनको प्रभाव रहँदै आएको छ ।

सन् १९६७ देखि भारतले उक्त संगठनमाथि प्रतिबन्ध लगाएको छ । प्रतिबन्धको १३ वर्षपश्चात सन् १९८० मा उक्त संगठनले पञ्जाबमा स्वतन्त्र पञ्जाबको माग गर्दै आन्दोलन गरेको थियो । जसलाई सैन्य परिचालन गरेर भारत सरकारले दमन गरेको थियो ।

सन् १९६७ देखि भारतले उक्त संगठनमाथि प्रतिबन्ध लगाएको छ । प्रतिबन्धको १३ वर्षपश्चात सन् १९८० मा उक्त संगठनले पञ्जाबमा स्वतन्त्र पञ्जाबको माग गर्दै आन्दोलन गरेको थियो । जसलाई सैन्य परिचालन गरेर भारत सरकारले दमन गरेको थियो ।

भारत सरकारको चरम दमनपश्चात उक्त संगठनका नेताहरु विदेशमा रहँदै आएका छन् । हाल अमेरिका र क्यानडाबाट उक्त संगठनका गतिविधि हुने गर्दछन् ।

स्वतन्त्र पञ्जाबको लागि आन्दोलन गरिरहेको उक्त समुहले जनमत संग्रहको माग गर्दै आएको छ । उक्त समुहले विभिन्न सामाजिक सञ्जाल र वेभसाईटको माध्यमद्वारा आफ्नो अभियान चलाउँदै आएको छ । भारतले उक्त अभियानले आक्रामक रुप लिन सक्ने भन्दै वेभसाईटमाथि प्रतिबन्ध लगाएको हो ।