हामी सबैकाे संसारन्यूज

२२ असार, काठमाडौं । जीवन बीमा गर्नेहरुले प्रिमियम बुझाउन ढीला गरेको भए मंगलबार(असार २२ गते) देखी ब्याज लाग्ने भएको छ । बीमा समितिले कोरोना भाईरसको माहामारीको कारण गत चैत्र ११ गतेदेखि मुलुक लकडाउनमा गएपछि सो समयाबधीमा प्रिमियम बुझाउनु पर्ने बीमितहरुबाट ब्याज असुल नगर्न जीबन बीमा कम्पनीहरुलाई पटक पटक निर्देशन दिएको थियो ।

सरकारले यहि असार १ गतेबाट लकडाउन केहि खुकुलो बनाउने निर्णय गरेसंगै बीमा समितिले पनि प्रिमियममा ब्याज लिन बीमा कम्पनीहरुलाई परिपत्र गरेको थियो । जुन सोमबार सकिंदैछ ।

लकडाउन केहि खुकुलो हुनु एकदिन अघि गत जेठ ३२ गते जीवन बीमा कम्पनीहरुलाई परिपत्र जारी गर्दै बीमा समितिले असार १५ गतेसम्म बीमाको प्रिमियममा ब्याज नलिन निर्देशन दिएको थियो । सो समयाबधि सकिएकै दिन समितिले जीवन बीमा कम्पनीहरुलाई अर्को निर्देशन दिंदै त्यसको समयाबधि असार २२ गते पुर्याएको थियो सो समयाबधि पनि सोमबार सकिंदैछ । अब मंगलबारबाट बीमा गराएका बीमितहरुले तिर्नु पर्ने प्रिमियममा सबिकको झै ब्याज पनि तिर्नु पर्ने हुन्छ ।