Sansar News
२२ असार, काठमाण्डौं । स्वास्थ्य तथा जनसंख्या मन्त्रालयले कोरोना महामारीको संक्रमण बढ्दै गइरहेको अवस्थामा बन्दाबन्दीको नियम पालना नगर्ने र मास्क नलगाइ हिँड्नेलाई कारबाही हुने बताएको छ ।
मन्त्रालयका प्रवक्ता डा.जागेश्वर गौतमले सोमबारको पत्रकार सम्मलेनमा बन्दाबन्दीको नियम पालना गर्न अनुरोध गर्दै मास्क नलगाई घरबाहिर निस्कने व्यक्तिलाई कारबाही हुने जानकारी दिएका हुन् ।
यस विषयमा गृहमन्त्रालयले सम्बन्धीत सरोकारवाला निकायहरुलाई निर्देशन समेत दिइसकेकोले सबैले जनस्वास्थ्यको मापदण्ड पालना गर्न मन्त्रालयले अनुरोध गरेको छ ।
वि.सं.२०७७ असार २२ सोमवार १७:४४ मा प्रकाशित
