Sansar News
२३ असार, काठमाण्डौं । कर्णाली प्रदेशमा पछिल्लोपटक कोरोना संक्रमणलाई जितेर घर फर्किनेको संख्या दिनप्रतिदिन बढिरहेको छ ।
प्रदेश सरकारले कोरोना संक्रमितको उपचारका लागि निर्माण गरेका प्रदेशका विभिन्न आइसोलेशनहरु यतिबेला रित्तिदै गएका छन् ।
कर्णालीमा आइतबार पुष्टि भएका ९ जनासहित कूल संक्रमितको संख्या १,४९८ रहेको छ । जसमा १,२३१ जना कोरोना मुक्त भएर घर फर्किएका छन् ।
कर्णाली प्रदेशको सामाजिक विकास मन्त्रालयका अनुसार कोरोनाको इपिसेन्टर बनेको दैलेखमा मात्रै ७०३ जना कोरोनालाई जितेर घर फर्किएका छन् ।
वि.सं.२०७७ असार २३ मंगलवार १७:४७ मा प्रकाशित
