Sansar News
२३ असार, काठमाण्डौं । नेपालमा कोरोना संक्रमणबाट निको हुनेको संख्या दिनप्रतिदिन बढिरहेको छ ।
स्वास्थ्य मन्त्रालयका अनुसार पछिल्लो २४ घण्टामा देशका विभिन्न अस्पताल तथा आइशोलनमा उपचाररत ६८८ जना कोरोना संक्रमणबाट मुक्त भएर घर फर्किएका छन् ।
आज निको भएका ६८८ जनासँगै नेपालमा हालसम्म कोरोना संक्रमणबाट निको भएर घर फर्किनेको संख्या ७,४९९ पुगेको छ । मन्त्रालयका अनुसार हालसम्म संक्रमित भएका मध्ये ४६.४ प्रतिशत संक्रमितहरु स्वास्थ्य लाभ गरेर घर फर्किएका हुन् ।
मन्त्रालयले उनीहरुको उपचारमा अहोरात्र खटिने चिकत्सक, नर्स, स्वास्थ्यकर्मी तथा अन्य सहयोगी शुभेच्छुकहरुलाई धन्यवाद ज्ञापन रगेको छ ।
नेपालमा आज २६४ जनाले कोरोनालाई जितेर घर फर्किए, हेर्नुहोस् कुन प्रदेशमा कति निको भए त ?
वि.सं.२०७७ असार २३ मंगलवार १७:१४ मा प्रकाशित
