हामी सबैकाे संसारन्यूज

काठमाडौं । नेपाल धितोपत्र बोर्ड र नेप्सेका कर्मचारीहरुले आइपीओ भर्न नपाउने गरि व्यवस्था आउने भएको छ । संसदको अर्थ समितिले गठन गरेको पुँजी बजार तथा मुद्रा बजारसम्बन्धी अध्ययन उप समितिले बोर्ड र कर्मचारीहरुलाई आइपीओमा आवेदन गर्न समेत नदिने व्यवस्था गर्न प्रस्ताव गरेको हो ।

रामकुमारी झाँक्री संयोजकत्वमा बनेको संसदीय उपसमितिले बुझाएको प्रतिवेदनमा बोर्डका कर्मचारीहरुले यसअघिका शेयर बेच्ने बाहेक अनय शेयर कारोबार गर्न नपाउने व्यवस्था गर्न सुझाव दिएको हो ।

‘सेवनका पदाधिकारी र कर्मचारीले आफुसँग यसभन्दा अगाडि रहेका आइपीओका शेयरहरु बिक्री गर्ने बाहेक शेयर कारोबार गर्न नपाउने व्यवस्थ गर्ने’ प्रतिवेदनमा उल्लेख छ।

प्रतिवेदन अनुसार धितोपत्र बोर्डका कर्मचारीहरुले प्राथामिक र दोस्रो बजार दुबैमा लगानी गर्न पाउने छैनन। यदि अर्थसमितिले पारित गरेको खण्डमा यो व्यवस्था कार्यान्वयनमा आउनेछ ।