हामी सबैकाे संसारन्यूज

नेपाल कम्यूनिष्ट पार्टी(नेकपा)का नेता नारायण शर्माले पार्टी भित्र देखिएको समस्या समाधानार्थ ७ बुँदा प्रस्ताव गरेका छन् । प्रस्तावित यी सात बुँदा पार्टीले कार्यान्वयन गरेमा सबै पक्षले विन–विनको महसुस गर्ने र समस्या समाधान हुने उनको ठम्याई छ ।

यस्तो छ नेता शर्माले दिएको नेकपामा विन–विनका सात बुँदाका प्रस्तावहरु :

१) पार्टी वा राज्यका जिम्मेवारीहरु वितरण (कार्य विभाजन) गर्दा एक व्यक्ती एक मुख्य जिम्मेवारीलाई पार्टीको माथिदेखि तलसम्मका सम्पूर्ण कामरेडहरुमा तत्कालैदेखि दृढतापूर्वक लागू गर्ने-गराउने ।

२) ओली कामरेडका प्रधानमन्त्री र अध्यक्ष दुवै पद यो अवधिको लागि यथावत राख्दै अध्यक्ष पदलाई सही अर्थमा सम्मानित र मानार्थ बनाउने र प्रधानमन्त्री पदलाई पूर्णत : कार्यकारी बनाउने ।

३)  प्रचण्ड कामरेडको कार्यकारी अध्यक्ष पदलाई पनि यथावत राख्दै यसलाई पूर्ण शक्तिशाली र प्रभावकारी बनाउने ।यसैगरी शीर्ष र सबै तहका सम्पूर्ण नेताहरुका पद र जिम्मेवारीहरुलाई समेत ठोस गरी सार्थक बनाउने ।

४) पार्टीका अध्यक्षदेखि पार्टी सदस्यसम्म सबै नेता-कार्यकर्ताले पार्टीको घोषित विचार-सिद्धान्त, लक्ष-उद्देश्य, कार्यक्रम-कार्ययोजना, नीति-नियम, निर्णय-निर्देशन, विधि-अनुशासन र पद्धती-प्रकृया तथा कम्युनिस्ट नैतिकता, आचार र संस्कार-संस्कृति मुख्यतस् सादा जीवन उच्च विचार, कडा परिश्रम र कठोर संघर्ष आदिको तत्काल, बेहिचक र अक्षरसस् पूर्ण पालना र अवलम्बन गर्नु-गराउनुपर्ने र अब उप्रान्त सबैले आआफ्ना गुटउपगुट र पूर्व समूहहरुलाई मानसिक र व्यावहारिक रुपमा समेत पूर्णत: ध्वंस गर्नु-गराउनु पर्ने ।

५) प्रधानमन्त्रीदेखि मन्त्री, सांसद आदि राज्यका सुविधायुक्त पद वा जिम्मेवारीमा एक पूर्ण अवधि काम गरेपछि अर्को अवधि पार्टीमा गर्नुपर्ने । यसरी अवसर र चुनौतीलाई पूर्णत: समानुपातिक र आलोपालो गरी कार्यविभाजन गरेर अधिकतम समान अधिकार र न्यायको ग्यारेन्टी गर्ने । यसोगर्दा दुवै क्षेत्रका अनुभवी कामरेडहरुले एक अर्कालाई पूरै समन्वय र सहयोग गर्दै सहकार्य र सहमतिमा सत्कार्य गर्ने-गराउने ।

६) पार्टी र राज्यमा प्रवेश-नियुक्ति, सरुवा-बढुवा, पदक-पुरस्काररमान-सम्मान गर्दा-गराउँदा वा घटुवा, फिर्ता, निष्कासन आदि जे गर्दा-गराउँदा पनि सम्बन्धित व्यक्तिको स्वच्छता, इमान्दारिता, वरिष्ठता, त्याग-तपस्या, बलिदान-योगदान, सकृयता-समर्पण र क्षमता-योग्यता र कृयाशीलताका साथै न्याय, समानता र गुणस्तरीयतालाई आधार बनाई निश्चित नीति, विधि र संयन्त्र बनाई पार्टी र राज्यका घोषित मूल्यमान्यता अन्तर्गत रहेर गर्ने- गराउने ।

७) उपरोक्त सूत्ररसर्तहरु पालना नगर्ने-नगराउने जोसुकै सदस्य वा पदाधिकारीलाई सम्बन्धित पार्टीरकमिटीले पार्टी सदस्यताबाटै निष्कासनसम्मका उपयुक्त र प्रभावकारी कार्वाही तत्कालैदेखि गर्ने-गराउने अनि सो कार्वाहीलाई आलटालबिना शीघ्रातिशीघ्र पालना-अवलम्बन गर्नु-गराउनु पर्ने ।