हामी सबैकाे संसारन्यूज

जन्म्यौ तिमी यो देशको ठाँउमा
तनहुँ जिल्ला त्यो रम्घा गाउँमा
असार उनन्तीस गतेका दिनमा
आचार्य ब्राम्हणको घरआँगनमा

अर्ति त्यो घाँसीको तिम्रा नजरमा
प्रेरणाको श्रोत बन्यो हरपलहरुमा
उदायौ तिमी यो संसारी जगमा
हाम्रा आदिकवि भानुभक्त नाममा

तिम्रो कृती रामायणको रुपमा
महिमा छाएकोछ हर घर हरुमा
आदर्श पुरुषको गायौ महिमा
त्यही छवी पाएकाछौं जगमा

पायौ अमरत्व आदि कवि नाममा
छायौको छौ नेपाली घरआँगनमा
साहित्यको रस फिजयौ नेपालमा
अमृतवाणी पिलायौ सबैका गलामा

तिमीले रचेका सबै कृतिहरुमा
अमरपन भरिएकोछ ग्रन्थहरुमा
प्रेरणा दिएका छौ सबैका मनमा
डोराएका छौ आफ्नै पथहरुमा