हामी सबैकाे संसारन्यूज

४ साउन, काठमाडौँ । सोरु गाउँपालिकाका खरिदार तथा स्टोर किपर ईश्वरबहादुर सिह शनिबार पक्राउ परेका छन ।

ज्यान मार्ने उद्योगमा जिल्ला अदालतले सिँहलाई पक्राउ पूर्जी जारी गरेपछि सोरुकोट प्रहरी चौकीले गाउँपालिका बाटै पक्राउ गरेको छ ।

सोरु गाउँपालिकाबाट सरुवा भई गएका प्रमुख प्रशासकिय अधिकृत पशुराम उपाध्यायले सिहलाई ज्यान मार्ने उद्योगमा किटानी जहेर दिएपछि एकबर्ष पछि सिहलाई पक्राउ गरिएको छ ।

गत असोज पशुरामलाई सोरु गाउपालिकाको सिप गाउँमा केही ब्यक्तिले आक्रमण गरि शक्त घाइते बनाएपछि उनले सिहबिरुद्ध ज्यान मार्ने उद्योगको किटानी जाहेर दिएका थिए ।

अदालतको आदेश अनुसार ज्यान मार्ने उद्योगमा अभियोग लागेका सिहलाई शनिबार पक्राउ गरिएको प्रहरी नायव उपरिक्षक भूवनेश्वर प्रसाद शाहले बताए ।

‘प्रहरी पक्राउ गरि ल्याएका स्टोर किपर सिहलाई हाम्रो रोबहरमा छोडनुस् भनेर निमित्त प्रमुख प्रशासकिय अधिकृत बीरेन्द्र शाही लगायत धेरै जना ब्यक्ति म कहाँ आएका थिए तर मैले रोबहरमा छोडन सकिदैन भनेर थुनामा राखेको हुँ ।’ शाहले जानकारी दिए ।
आइतबार सिहलाई जिल्ला अदालत बुझाउने जिल्ला प्रहरी कार्यालय जनाएको छ ।

यो गाउपालिकाबाट सरुवा भई गएका पशुराम उपाध्यायले स्टोर किपर सिहलाई ज्यान मार्ने उद्योगमा किटानी जाहेर मुद्दा दर्ता गएको हुदा सोही आरोप सिह पक्राउ परेको गाउपालिका प्रमुख लोकबहादुर शाहीको भनाई छ ।
पक्राउ गरिएका सिहलाई अदालतमा बुझाउने उनको भनाई छ । सिह डोटी जिल्लामा गाविस सचिव हुँदा सामाजिक सुरक्षा रकम दुरपयोग गरेको आरोपमा अख्तियार बाट कारबाही समेत भोगेका थिए ।

सोरु गाउपालिकामा ७ करोड फ्रिज
सोरु गाउँपालिकामा कर्मचारी र जनप्रतितिधिको लापरबाहीका कारणले ७ करोड बजेट फ्रिज गएको छ ।

समयमा बिकास निर्माणका काम संचालन नहुँनु र पालिका अध्यक्ष र कर्मचारीबीच आरोप प्रत्यारोप जस्ता कारणले बजेट फ्रिज गएको पाइएको छ ।

बिकास निर्माण तर्फको ७ करोड बजेट फ्रिज गएपछि उपभोक्ता मर्कामा र आयोजना अलपत्र परेका छन् । रकम झिक्न पालिकामा पुगेका उपभोक्ता समितिका पदाधिकारी निन्याउरो मुख लगाएर घर फर्किन बाध्य भएका छन ।

समयमा काम गर्न नसक्दा बजेट फ्रिज गएको पालिका प्रमुख लोकबहादुर शाहीको भनाई छ ।

असार समान्तमै अधिकृत फेरबदल
असार मसान्तको बेला सोरु गाउपालिकामा प्रमुख प्रशासकिय अधिकृत फेरबदल हुँदा त्यसको असर बिकास बजेटतर्फ परेको छ ।
असार मसान्तकै बेला संघीय मामिला तथा स्थानीय मन्त्रालयले धान्ने बुढालाई हटाएर सोही गाउँपालिकाका बिनिलाई अधिकृतको जिम्मेवारी दिएपछि बिकास बजेट खर्चिन मुश्किल परेको छ ।

सोरु गाउँपालिकामा दिनुदिन घटना हुन थालेका छन् । भ्रष्टचारको आरोप खेप्दै आएको सोरु गाउँपालिकामा असारमा प्रमुख प्रशासकिय अधिकृत फेरबदल हुनु अप्रत्यासित रुपमा ७ करोड बजेट फ्रिज, जानु असार मसान्त नबित्दै गाउपालिका स्टोर किपर सिह पक्राउ पर्नु जस्ता कारणले गाउपालिका छबि प्रतिदिन गिर्दै गएको छ ।

बिकास खाने प्रबृति
जिल्लाको चारबाट स्थानीयतह मध्ये सोरु गाउँपालिकामा बिकास बजेट खान हानथाप गर्ने गरेका छन् ।

पूर्बाधार निर्माण आय आर्जन क्षमता बिकासको लागि सरकारी क्षेत्र बाट बिनियोजन भई गाउपालिकामा आएको बजेट टाठाबाडाले काममै नगरी खान थालेपछि विकासका काम ओझेलमा पर्न थालेका छन् ।

सोरु गाउँपालिकाका टाठाबाठाहरुले गरिब ब्यक्तिलाई उपभोक्ता समितिमा राखेर बजेट आफू खाने प्रबृति मौलाउदै गएको छ ।

काममैै नगरि बजेट खान थालेपछि सोरु गाउपालिकाको बिकास निर्माणले फड्को मार्न सकेको छैन । एउटै योजनाको नाममा दोहोरयाई तेहरयाई बजेट खर्च गर्ने र त्यसको उपलब्धी न्यून देखिन थालेको छ ।