हामी सबैकाे संसारन्यूज

५ साउन, सप्तरी, राजविराज । प्रदेश १ स्थित बीपी कोइराला स्वास्थ्य विज्ञान प्रतिष्ठानमा कोरोना संक्रमणका कारण मृत्यु भएका पुराना एवं प्रतिष्ठित व्यवसायी राज विराज ६ निवासी कृष्ण दासको शब नेपाली सेनाको टोलीले दासकै गृहजिल्लामा ल्याइ व्यवस्थापन गरेको छ ।

वर्षाको समयमा भिज्दै तीन घण्टामा सप्तरीको हनुमान नगर कंकालिनी नगरपालिका १ कोसी ब्यारेजबाट ८ सय मिटर दक्षिण कोशी नदी बगरमा सम्पूर्ण सुरक्षा व्यवस्था मिलाई दासको शब व्यवस्थापन गरिएको नेपाली सेनाको यहाँस्थित भीम दल गणले जनाएको सोमबारको राजधानी दैनिकमा समाचार छ ।

गणका प्रमु्ख सेनानी गुप्त बहादुर कुँवरका अनुसार सहसेनानी कमल श्रेष्ठ, प्रधानको कमान्डमा खटिएको ९ जनाको टोलीले मृतकको परिवारका १ जना सदस्यको उपस्थितिमा कोरोनाबाट मृत्यु भएका दासको शब व्यवस्थापन गरेको हो ।

बिहीबार राति १० बजेतिर कोरोनाकै कारण उपचारका क्रममा मृत्यु भएका दासका सुरुमै धरानमा शब व्यवस्थापन गर्ने प्रयास गरिएको थियो । तर, मृतक प्रदेश २ का रहेको र शब व्यवस्थापन सोही प्रदेशमा गर्नुपर्ने कुरा उठेपछि विवाद नबढोस् भन्ने सोचले हनुमान कंकालिनी नगरपालिकाका प्रमुख शैलेस साहको समन्वयमा गृहजिल्ला ल्याइ शुक्रबार राति शब व्यवस्थापन गरिएको गणका प्रमुख सेनानी कुँवरले जानकारी दिए । file photo