हामी सबैकाे संसारन्यूज

काठमाडौं । मन्त्रिपरिषदको नियमित बैठक सुरु भएको छ । बैठक प्रधानमन्त्रीको सरकारी निवास बालुवाटारमा सुरु भएको प्रधानमन्त्रीका प्रेस सल्लाहकार सुर्य थापाले जानकारी दिएका छन् ।

आजको बैठकले लकडाउनको मोडालिटीको बारेमा महत्वपूर्णं निर्णय गर्नसक्ने अपेक्षा गरिएको छ । सरकारले पछिल्लो पटक साउन ७ सम्मको लागि लकडाउन अवधि थपेको थियो ।

जानकारी अनुसार आजको बैठकले आन्तरिक हवाई उडान खुलाउने, लामो रुटका सार्वजनिक यातायात खुलाउने र विद्यालय सञ्चालनलगायतका विषयमा महत्वपूर्णं निर्णय गर्न सक्नेछ । जानकारीअनुसार पर्यटन मन्त्रालयले आन्तरिक हवाई उडान खोल्ने विषयमा आजको बैठक प्रस्ताव गरेको छ ।

कोरोनाभाइरस संक्रमणका कारण गत चैत ११ गतेबाट सुरु भएको लकडाउन पछिल्ला दिनमा केही खुकुलो हुँदै आएको छ । अघिल्लो मन्त्रिपरिषद् बैठकले लकडाउनको मोडालिटी परिवर्तन गर्दै काठमाडौ उपत्यका र अन्य जिल्लाको हकमा जिल्लाभित्रमात्र सुरक्षाका विधि अपनाएर सार्वजनिक यातायात सञ्चालन गर्ने निर्णय गरेको थियो ।

अघिल्लो मन्त्रिपरिषद् बैठककमा आन्तरिक हवाई उडानबारे सामान्य छलफल भएपनि निर्णय भएको थिए ।