हामी सबैकाे संसारन्यूज

७ साउन, काठमाडौ । नेपाल उद्योग वाणिज्य महासंघको साधारणसभा फेरि स्थगित भएको छ ।

साधारणसभाको मिति ताकिएर  उम्मेदवारहरु व्यापक  प्रचारप्रसारमा लागि रहेको बेला यसअघि तोकिएको समयमा नहुने जानकारी दिइएको छ । महासंघको पदाधिकारी र पूर्वअध्यक्षहरुसहितको आजको बैठकले साउन २६ र २७ गतेको लागि तोकिएको निर्वाचन तथा साधारणसभा सार्ने निर्णय गरेको हो ।

सरकारले भदौ १ गतेसम्म सभा, सम्मेलन गर्न नपाइने भनेकाले महासंघले पनि आफ्नो ५४ औँ वार्षिक साधारणसभा सारेको वरिष्ठ उपाध्यक्ष दिवाकर गोल्छाले जानकारी दिएका छन् । उनले सरकारले गोष्ठी, सभा सम्मेलन खुलाएको १५ दिनभित्र साधारणसभा गर्ने निर्णय पनि बैठकले गरेको जनाएका छन् ।

कोरोना संक्रमणसंगै बाढि पहिरोको जोखिमका कारण पूर्व अध्यक्षज्यूहरु समेत उपस्थित रहेको पदाधिकारी वैठकले सरकारले सभा सम्मेलन खुला गरेको १५ दिनभित्र साधारणसभा गर्ने निर्णय गरेको छ । मेरा लागि पनि तत्काल पदभार ग्रहण गर्नुभन्दा उद्यमी व्यवसायीको सुरक्षा महत्वपुर्ण छ ।

— Shekhar Golchha (@golchha_shekhar) July 23, 2020

उनी भन्छन् ‘कोरोना संक्रमणसंगै बाढि पहिरोको जोखिमका कारण पूर्व अध्यक्षज्यूहरु समेत उपस्थित रहेको पदाधिकारी वैठकले सरकारले सभा सम्मेलन खुला गरेको १५ दिनभित्र साधारणसभा गर्ने निर्णय गरेको छ ।’

गोल्छाले सामाजिक सञ्जालमा यो पनि भनेका छन् ‘मेरा लागि पनि तत्काल पदभार ग्रहण गर्नुभन्दा उद्यमी व्यवसायीको सुरक्षा महत्वपुर्ण छ ।’
गत चैत २८ र २९ गते हुनुपर्ने महासंघको साधारणसभा लकडाउनका कारण सर्दै आएको छ । मिति भने बैठकले तय गरेको छैन ।

योसँगै महासंघको ५४ औं साधारण सभा तेस्रो पटकको लागि तोकिएको मितिमा नहुने भएको हो ।

महासंघको विधान अनुसार आगामी नयाँ नेतृत्व वरिष्ठ उपाध्यक्ष रहेका दिवाकर गोल्छाको नेतृत्वमा चयन हुनेछ । विधानमा वरिष्ठ उपाध्यक्ष स्वतः उपाध्यक्ष हुने व्यवस्था रहेको छ । आउँदो निर्वाचनका लागि वरिष्ठ उपाध्यक्षमा चन्द्र प्रसाद ढकाल र किशोर कुमार प्रधानले उम्मेदवारी दिएका छन् ।