Sansar News
९ साउन, काठमाडौं । कक्षा ११ मा ७० प्रतिशत हाजिर नभएका विद्यार्थि विद्यालयले लिने अन्तिम परीक्षा सहभागी हुन नपाउने भएका छन् ।
राष्ट्रिय परीक्षा बोर्डले स्वीकृत गरेको कक्षा ११ को परीक्षा सञ्चालन, व्यवस्थापन, मुल्यांकन तथा नतिजा प्रकाशन एवं प्रमाणीकरण कार्यविधिले यस्तो बन्देज लगाएको हो ।
यो वर्षदेखि कक्षा ११ को परीक्षा सञ्चालन र नतिजा प्रकाशनको अधिकार सरकारले सम्बन्धित विद्यालयलाई नै दिएको छ ।
परीक्षा सञ्चालन र नतिजा प्रकाशन गर्न सहज होस् भनी राष्ट्रिय परीक्षा बोर्डले कार्यविधि तयार पारेको हो ।
कार्यविधिले परीक्षा सञ्चालन गरी नतिजा प्रकाशन तथा नतिजामा चित्त नबुझेमा विद्यार्थीले पुनर्योग गर्दा अपनाउनुपर्ने प्रक्रिया समेत व्याख्या गरेको छ ।
कार्यविधिको परिच्छेद ३ ले विद्यार्थीको मूल्यांकनसम्बन्धि व्यावस्था गरेको छ । सम्बन्धित विद्यालयले कक्षा ११ को अन्तिम परीक्षा सञ्चालन गर्ने मिति र तालिका परीक्षा बोर्डको सम्बन्धित कार्यलयलाई जानकारी गराउनु पर्नेछ ।
परीक्षा सञ्चालन र मूल्यांकनका क्रममा प्रयोग भएका प्रश्नपत्र र उत्तरपुस्तिका बोर्डले तोकेको पाठ्यक्रमको ढाँचाअनुसार हुनुपर्ने छ ।
यी सामाग्री बोर्डले मागेको अवस्थामा सम्बन्धित विद्यालयले उपलब्ध गराउनुपर्ने छ । परिच्छेद ४ ले परीक्षा तथा प्रमाणीकरण समिति सम्बन्धी व्यावस्था गरेको छ ।
जसअनुसार सम्बन्धित विद्यालयका प्राचार्यको संयोजकत्वमा ३ सदस्यीय समिति रहनेछ । जसमा सम्बन्धि कक्षा शिक्षक र प्राचार्य बाट मनोनिति अर्का १ जना शिक्षक सदस्य रहने व्यवस्था छ ।
कक्षा १२ को परीक्षा मा सहभागी हुन विद्यार्थीले हरेक विषयको सैद्धा्िरन्तकतर्फ डी प्लस र प्रयोगात्मक तर्फ सी ग्रेड ल्याउनु पर्नेछ । यो बर्षदेखि नै कक्षा १२ उत्तिर्ण भएको प्रमाणपत्रमा कक्षा ११ का विषय र प्राप्तांक पनि उल्लेख नहुने भएको छ । बोर्डले पहिलोपटक यस्तो व्यवस्था गर्न लागेको हो । यस पटकदेखि कक्षा ११ को परीक्षा तथा नतिजा सम्बन्धित विद्यालयले नै सार्वजानिक गर्ने व्यवस्था भएपछि बोर्डले प्रमानपत्रमा पनि नयाँ नियम लागू गर्न लागेको हो । शुक्रबारको अन्नपूर्ण पोष्ट दैनिकबाट
वि.सं.२०७७ साउन ९ शुक्रवार ०९:०७ मा प्रकाशित
