हामी सबैकाे संसारन्यूज

९ साउन, कन्चनपुर ।  भारतीय सुरक्षा बल (एसएसबी) ले नेपाली भूमिमा समेत तारबार नगर्न धम्की दिएको छ ।

भीमदत्त नगरपालिका-९ ब्रम्हदेवको सिद्धनाथ सामुदायिक बनले सार्वजानिक जमिन संरक्षण तथा पर्यावरण संरक्षणका जागि तारबार गरेकोमा एसएसबीले अनावस्यक निहुँ खोज्दै रोक्न धम्की दिएको सिद्धनाथ सामुदायिक वनका सहस्चिव रमेश धानुकले बताएका छन् ।

सामुदायिक वनले खालि रहेको वनकै क्षेत्रको सार्वजनिक जमिन संरक्षण गरी वृक्षारोपण कार्यक्रम थालेको छ । तर, भारतीय एसएसबीले अनावश्यक विवाद झिक्दै आएको छ । ‘हाम्रै नेपाली भूमि हो, वर्षौदेखि बाँझो थियो,’ धानुकले भने ,‘अहिले त्यो सफाइ गरेर चारैतिर घेरबार गरेर वृक्षारोपणको कार्यक्रम अघि बढाउने क्रममा भारतीय एसएसबीबाट धम्की आइरहेको छ ।’ एसएसबीले काम भइरहेका वेला आएर विवादित जमिन भन्दै अवरोध गरिरहेको उनले बताएको नयाँपत्रिका दैनिकमा समाचार छ ।

एसएबसीले ब्रम्हदेव क्षेत्रमा जहिले पनि अनावश्यक अवरोध र हस्तक्षेप गर्दै आएको छ । दुई बर्षअघि पनि ब्रम्हदेव क्षेत्रमा सडक बनाउँदा र तीनजना मुक्त हलिया परिवारले घर बनाउदा समेत एसएसबीले अवरोध गरेको थियो ।