Sansar News
काठमाडौं । त्रिभुवन विश्वविद्यालयले बन्दाबन्दी (लकडाउन)का कारण स्थगित स्नातकोत्तर र स्नातक तहको परीक्षा मिति सार्वजनिक गरेको छ । विश्वविद्यालयको परीक्षा नियन्त्रण महाशाखाले शुक्रबार एक सूचना सार्वजनिक गर्दै परीक्षा मिति सार्वजनिक गरेको हो ।
विश्वविद्यालयले जनाएअनुसार व्यवस्थापन शंकायको स्नातकोत्तर तहको परीक्षा भाद्र दोस्रो सातादेखि सुरु हुनेछ भने स्नातक तहको परीक्षा तेस्रो सातादेखि सञ्चालन हुनेछ ।
त्रिविले जनाएअनुसार परीक्षा तालिका भने केहि समय पश्चात सार्वजनिक हुनेछ । सरकारले लकडाउन खुला गर्दै लामो दुरीको यातायात पनि खुला गर्ने निर्णय गरेसँगै त्रिविले स्थगित परीक्षा सञ्चालन गर्ने निर्णय गरेको हो ।
यस्तो छ त्रिविले सार्वजनिक गरेको सूचना
वि.सं.२०७७ साउन ९ शुक्रवार १७:०७ मा प्रकाशित
