हामी सबैकाे संसारन्यूज

९ साउन, काठमाडौं । काठमाडौं उपत्यका भित्र गैरकानुनी तवरले हुण्डीको कारोवार एक जानालाई प्रहरीले पक्राउ गरेको छ । गोप्य सूचनाको आधारमा उपत्यकाका विभिन्न स्थानहरुमा चेकजाँच गर्ने क्रममा काठमाण्डौ विशाल बजारमा शंकास्पद रूपमा हिडिरहेका ढुण्डिराज न्यौपानेलाई नियन्त्रणमा लिएको प्रहरी जनाएको छ ।

स्याङ्जाको कालिगण्डकी गाउँपलिका घर भई काठमाडौं बस्ने न्यौपानेले गैरकानुनी रुपमा हुण्डिको कारोवार गर्न लगिरहेको नगद रू.१९ लाख ९१ हजार र भाइबर मार्फत हुण्डिको कारोवार गरिएको बिवरण सहित पक्राउ गरेको हो । पक्राउ पश्चात निजलाई थप अनुसन्धान तथा कारवाहीका लागि राजश्‍व अनुसन्धान विभाग पठाईने प्रहरीले जनाएको छ।