हामी सबैकाे संसारन्यूज

९ साउन । धनगढी उपमहानगरपालिकाका अन्तर्गत योजना तथा बजेट शाखा प्रमुख सत्यराज जोशीको कुर्सीमा दिसा भेटिएको छ । बिहीबार बिहान शाखा प्रमुख जोशीको कुर्सीमा कपडामा बेरेर राखेको अवस्थामा दिसा भेटिएपछि सोको छानविन गर्न समिति नै गठन गरिएको छ ।

शाखा अधिकृत जोशी कुर्चिमा बसेर पाइन्टमा दिसा लागेपछि मात्रै जानकारी पाएका थिए । तर दिसा कस्ले र किन राख्यो भन्ने कुरा खुलेको छैन । सोको छानविन गर्न उप–महानगरपालिकाका प्रशासकिय अधिकृत सुरेन्द्र सिंह कार्कीको संयोजकत्वमा तीन सदस्यीय समिति शुक्रबार गठन गरेको छ । सिंहले कमिटीले आइतबारबाट मात्र छानविन सुरु गर्ने जानकारी दिएका छन् ।

समितिलाई सात दिन भित्र प्रतिवेदन बुझाउने म्याद दिइएको बुझिएको छ। तर नगरका कुनैपनि पदाधिकारीले यस विषयमा बोल्न मानेका छैनन्। उपमहानगरपालिकाका प्रमुख प्रशासकिय अधिकृत नारायणप्रसाद सापकोटाले कार्यालयले आन्तरिक रुपमा उक्त सन्दर्भमा वास्तविक के हो ? भनी अध्ययन गर्न तीन सदस्यीय कमिटी गठन गरिएको र सवै विवरण समितिले छानविन गरेपछि मात्रै बाहिर आउने बताए ।

समाचार स्रोत : https://www.aayomail.com/