हामी सबैकाे संसारन्यूज

९ साउन, झापा । झापाको भारतीय सीमावर्ती पूर्वी नाका काँकरभिट्टा क्षेत्रमा खटिएका १८ शसस्त्र प्रहरीमा कोरोना संक्रमण पुष्टि भएको छ । मंगलबार दुई जनामा देखिएको थियो ।

थपिएका मध्ये शसस्त्र प्रहरीका १७ पुरुष र १ महिला छन् । आज थपिएका संक्रमित शसस्त्र प्रहरीहरु नेपाल–भारत सीमाक्षेत्र, काँकरभिट्टा होल्डिङ सेन्टर र क्वारेन्टाइनमा खटिएका थिए ।

सबै संक्रमितहरुलाई थप उपचारका लागि मोरङको गोठगाउँस्थित कोभिड आइशोलेसन केन्द्र लागिएको जिल्ला स्वास्थ्य कार्यालय झापाका फोकल पर्सन जीवन चम्लागाईले जानकारी दिए ।

झापामा आज मात्र कोरानाका २५ नयाँ संक्रमित थपिएका छन् । यो सँगै झापामा संक्रमितको संख्या ३ सय ४५ पुगेको छ भने २ सय ९८ जना निको भएर घर फर्किसकेका छन् ।