Sansar News
१० साउन, काठमाण्डौं । नेपालमा कोरोना संक्रमणबाट आज पनि एक युवतीको मृत्यु भएको छ ।
स्वास्थ्य तथा जनसंख्या मन्त्रालयका अनुसार वाराको परवानीपुर गाउँपालिका वडा नं ८ की १७ वर्षीया युवतीको कोरोना संक्रमणबाट शुक्रबार मृत्यु भएको हो ।
साउन ९ गते बेलुका गण्डक कोभिड अस्पताल वीरगन्जमा उपचारका क्रममा उनको मृत्यु भएको हो ।
बुधबार वीरगन्ज हेल्थ केयर अस्पतालमा उपचारका लागि गएकी ती युवतीको आरडिटी परीक्षणमा पोजेटिभ देखिएपछि विहिबार अस्थायी कोभिड अस्पतालमा थप उपचारका लागि रेफर गरिएको थियो । साउन ८ गते श्वाव संकलग गरी गरिएको पिसीआर परीक्षणमा ९ गते कोरोना पुष्टि भएको थियो ।
उनको शरीरमा अक्सिजनको मात्रा कम हुनुका साथै पखाला लाग्ने, शरीर काप्ने र श्वास प्रस्वासमा समेत समस्या आएको मन्त्रालयले जानकारी दिएको छ ।
ती युवतीको मृत्युभएसँगै नेपालमा कोरोना संक्रमणबाट मृत्यु हुनेको संख्या ४५ पुगेको छ ।
नेपालमा कोरोना संक्रमणबाट आज एक महिलाको मृत्यु, मृतकको संख्या ४४ पुग्यो
वि.सं.२०७७ साउन १० शनिवार १७:२१ मा प्रकाशित
