हामी सबैकाे संसारन्यूज

कोरोना कहरका बेला मास्क नलगाई हिँडेका भारतका एक युवा अहिले चर्चामा आएका छन् ।

भारतको मध्यप्रदेशमा कोरोनाको संक्रमण बढिरहेको अवस्थामा मानिसहरु कोरोना संक्रमणबाट बच्ने नियमको पालना नगरेको त्यहाँको प्रशासनले जनाएको छ ।

सामाजिक दूरीको त कुरै छौडौ त्यहाँ मास्क समेत नलगाइ हिँड्ने गरेको अवस्थामा एक युवा भने प्रहरीको फन्दामा परेका छन् ।

दमोह जिल्लाको बान्दकपुरको कस्बेमा मास्क नलगाउने र सामाजिक दूरीको नियम पालना नगर्नेहरुलाई कारबाही गर्न भन्दै प्रहरी सडकमा उत्रिएको छ ।

यसैबीच विना मास्क शहर घुमेका एक युवालाई प्रहरीले कारबाही गर्न खोज्दा उनले श्रीमतीका लागि भर्खर किनेको पेटीकोट ब्यागबाट निकाले मुखमा बाँधेको भिडियो संचारमाध्यममा भाइरल भएको छ ।ऐजेन्सी