हामी सबैकाे संसारन्यूज

१२ साउन, काठमाडाैं । रुकुम पश्चिम जिल्लाको चौरजहारी नगरपालिका, सोती घटना छानविन संसदीय विशेष समितिले सभामुख अग्निप्रसाद सापकोटालाई बुझाएको प्रतिवदेन संघीय संसदले आवश्यक कार्यान्वयनका लागि सरकारलाई पठाएको छ।

संघीय संसदको अधिवेशन नचलेको अवस्थामा प्राप्त प्रतिवेदन सरकारलाई पठाइएको हो। सो प्रतिवेदन साउन ८ गते पठाइएको संघीय संसद सचिवालयले जानकारी दिएको छ।

गत असार ३० मा रुकुम घटना छानविनका लागि देवेन्द्र पौडेलको संयोजकत्वमा गठित संसदीयले सभामुख सापकोटालाई प्रतिवेदन बुझाएको थियो । २०७७ जेठ २६ गते बसेको प्रतिनिधि सभा बैठकबाट रुकुम पश्चिम जिल्लाको चौरजहारी घटनाको यथार्थ अध्ययन तथा अनुगमन गरी प्रतिवेदन पेश गर्न पौडेलको संयोजकत्वमा नौ सदस्यीय संसदीय विशेष समिति गठन भएकोमा सो समितिले समयमै प्रतिवेदन बुझाएको हो ।

अन्तरजातिय प्रेम विवाहको विषयमा विवाद हुँदा रुकुम पश्चिममा ६ जनाको निर्ममतापूर्वक सामुहिक हत्या भएपछि छानविन गर्न संसदीय समिति गठन भएको थियो ।