हामी सबैकाे संसारन्यूज

१२ साउन, काठमाडौँ । शसत्रका पूर्व डिआईजी रञ्जन कोइरालाको मुद्धामा सर्वोच्च अदालतले गरेको फैसलाप्रति नेपाली काँग्रेस महिला विभागले ध्यानाकर्षण भएको जनाएको छ ।

आफ्नै श्रीमती गीता ढकालको हत्याको कसुरमा सजाय काटिरहेका रञ्जन कोइरालालाई जुन आधार मानेर सजाय घटाउने फैसला गरियो त्यसले नेपाली महिलामा न्यायालयबाट न्याय पाउने कुरामा आशंका उत्पन्न भएको विभागकी सचिव लक्ष्मी खतिवडाद्वारा जारी विज्ञप्तीमा जनाइएको छ ।

सर्वोच्च अदालतले पुनरावलोकनको आदेश दिएर आफ्नो निर्णयलाई सच्याउने प्रयास गरेता पनि यसले हिंसामा परेका, अन्यायमा परेका महिलाका मनमा भने गम्भिर शंकाको विजारोपण गरेको उल्लेख छ ।

‘२१ औँ शताब्दिमा पनि लोकतान्त्रिकमुलकमा महिलाका मुद्धालाई गम्भिरतापूर्वक र न्यायपूर्वक निर्देशन लिइँदैन भने नेपाली काँग्रेस महिला विभाग त्यसको कडा रुपमा प्रतिवाद गर्दछै’, विज्ञप्तीमा भनिएको छ ।