Sansar News
१३ साउन, काठमाडौँ । नेपाली सेनाका तत्कालीन बलाध्यक्ष रथी कुलबहादुर खड्काको निधन भएको छ ।
आमाशय सम्बन्धी समस्याको उपचारका लागि थापाथलीस्थित नर्भिक अन्तर्राष्ट्रिय अस्पतालमा भर्ना भएका पूर्वबलाध्यक्ष रथी खड्काको आज निधन भएको नेपाली सेनाका प्रवक्ता सन्तोषबल्लभ पौडेलले जानकारी दिए । स्व खड्काको आजै साँझ पशुपति आर्यघाटमा अन्त्यष्टि गरियो । उनीप्रति सेनाको एक टुकडीले सम्मानस्वरुप अन्तिम सलामी अर्पण गरेको थियो । पुख्र्यौली घर लम्जुङ भई सेनाका विभिन्न पदमा रही ३८ वर्ष सेवा पु¥याएका ६९ वर्षीय खड्काका श्रीमती, एक छोरा र एक छोरी छन् ।
तत्कालीन नेपाल कम्युनिष्ट पार्टी (माओवादी) का अध्यक्ष प्रधानमन्त्री पुष्पकमल दाहाल नेतृत्वको सरकारले तत्कालीन प्रधानसेनापति रुक्माङगत कटुवाललाई बर्खास्त गरी खड्कालाई प्रधानसेनापति नियुक्त गरेको थियो । यद्यपी, उक्त निर्णय कार्यान्वयन भएन । बलाध्यक्ष खड्कालाई प्रधानसेनापति बनाउने निर्णयलाई तत्कालीन १८ राजनीतिक दलको आग्रहमा तत्कालीन राष्ट्रपति डा. रामबरण यादवले उल्टाएर प्रधानसेनापति कटुवाललाई पुर्नबहाली गरेका थिए ।
उक्त घटनापछि प्रधानमन्त्री पुष्पकमल दाहालले पदबाटै राजिनामा दिएका थिए । कटुवालको बर्खास्ती र खड्कालाई प्रधानसेनापति बनाउने निर्णयसगै तत्कालील राजनीतिक घटनाले अर्कै बाटो लियो । सेनापतिले तत्कालीन सरकारको आदेश पालना नगरेको जनाउँदै तत्कालीन सरकारले नागरिक सर्वोच्चताको विषय प्रखर ढङ्गबाट उठाएको थियो ।
यसैबीच वामपन्थी नेता गोविन्दकृष्ण अधिकारीको निधन भएको छ । उनको हृदयघातबाट मृत्यु भएको पारिवारले जानकारी दिएको छ ।
वि.सं.२०७७ साउन १३ मंगलवार २१:१७ मा प्रकाशित
