हामी सबैकाे संसारन्यूज

काठमाडौं । नेकपाका स्थायी समिति सदस्य देवेन्द्र पौडेल ‘सुनिल’ले सहमतीबाटै पार्टी विवादको समाधान खोज्नुपर्ने बताएका छन् । संसार न्यूज अनलाईनसँग कुराकानी गर्दै उनले पार्टी विवादमा बहुमत पक्षले नै निकास खोज्नुपर्ने बताएका हुन् ।

पार्टी विवादबारे बोल्दै पौडेलले समहतीभन्दा बाहिरबाट निकास खोज्न नहुने बताए । उनले भने, ‘अहिलेको विशिष्ट अवस्थामा पार्टीको एकतालाई मध्यनजर गर्दै बहुमत पक्ष नै पार्टी एकतालाई जोगाउन लाग्नुपर्छ । गणितको हिसाब गरेर हुँदैन् । अहिले सहमतीभन्दा बाहिरबाट निकास खोज्न सम्भव छैन् ।’

उनले विवादलाई ठुलो बनाएर पार्टी विभाजन तिर लैजान नहुने तर्क गरे । ‘पार्टी पनि निकै अप्ठ्यारो ठाउँमा र पार्टी एकता पनि निकै असहजतामा उभिएको हुँदा गणीतभन्दा माथिबाट निकास खोज्नुपर्छ, पार्टी विभाजन गर्ने अवस्था छैन्, ठूलो त्यागसहित निर्माण भएको पार्टीलाई एकताबद्ध गराउन सहमतीको उपाय छैन्’, उनले भने ।

पाैडेलले सहमतीबाटै जारी स्थायी समिति बैठक छिट्टै बस्ने पनि विश्वास देखाएका छन् । उनले जनाएअनुसार विवाद समाधानको निमित्त कार्यकारी अध्यक्ष प्रचण्डले अर्का अध्यक्ष ओलीसँग निरन्तर संवाद गरिहेका छन् ।

स्थायी समिति बैठकका बीच बहुमत स्थायी समिति सदस्यहरुले प्रधानमन्त्रीसमेत रहेका पार्टी अध्यक्ष केपी शर्मा ओलीको राजीनामा माग गरेसँगै नेकपाभित्र विवाद उत्कर्षमा पुगेको हो । विवादकै कारण पटक–पटकको स्थायी समिति बैठक स्थगन हुँदै आएको छ । पार्टी विवादकै कारण मंगलबारको बैठक ओलीले स्थगित गर्ने र प्रचण्डले सञ्चालन गर्ने गरेका थिए ।