हामी सबैकाे संसारन्यूज

१४ साउन काठमाण्डौं । नेपालमा आज २१० जनामा कोरोना संक्रमण पुष्टि भएको छ ।  स्वास्थ्य तथा जनसंख्या मन्त्रालयका अनुसार आज सबैभन्दा बढी डोटीमा ५२, पर्सामा ३४, स्याङजामा २६, काठमाण्डौंमा १४, महोत्तरीमा १४ र धनुषामा १२ जनामा कोरोना संक्रमण पुष्टि भएको छ ।

त्यस्तै बीपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा मोरङका ३, सुनसरीका १ जना, कोशी अस्पताल विराटनगरमा गरिएको परीक्षणमा मोरङका ३ जना, प्रादेशिक जनस्वास्थ्य प्रयोगशाला विराटनगरमा गरिएको परीक्षणमा मोरङका २ जना, प्रादेशिक जनस्वास्थ्य प्रयोगशाला जनकपुरमा गरिएको परीक्षणमा सप्तरीका १, सर्लाहीका १, धनुषाका १२ जना र महोत्तरीका १३ जना, नारायणी अस्पताल वीरगन्जमा गरिएको परीक्षणमा पर्साका ३४ जनामा संक्रमण पुष्टि भएको छ ।

त्यसैगरी राष्ट्रिय जनस्वास्थ्य प्रयोगशाला टेकुमा गरिएको परीक्षणमा भक्तपुरका १, धादिङका ७, कपिलवस्तुका २, काठमाण्डौंका २ जना, शुक्रराज ट्रपिकल सरुवा रोग अस्पतालमा गरिएको परीक्षणमा काठमाण्डौंका ७ जना, किटजन्य रोग अनुसन्धान तथा तालिम केन्द्र हेटौडामा नवलपरासपूर्वका २ र रौतहटका १ जना, वीर अस्पतालमा गरिएको परीक्षणमा काठमाण्डौंका २ जना, टिचिङ अस्पताल महाराजगन्जमा गएिको परीक्षणमा काठमाण्डौंका १ जनामा संक्रमण पुष्टि भएको छ ।

नेपाल प्रहरी प्रयोगशाला काठमाण्डौंमा सप्तरीका १ जना, स्टार अस्पताल सानेपामा काठमाण्डौंका २, महोत्तरीका १ जना, प्रादेशिक क्षयरोग केन्द्र प्रयोगशाला पोखरामा गरिएको परीक्षणमा बाग्लुङका ७ जना, स्याङजाका २६ जना, म्याग्दीका २ जना, तनहुँका १ जना, सुर्खेत प्रादेशिक अस्पताल सुर्खेतमा गरिएको परीक्षणमा सुर्खेतका १ जना, डडेल्धुरा अस्पतालको प्रयोगशालामा गरिएको परीक्षणमा बैतडीका २ जना, डोटीका १५ जना, सेति प्रादेशिक अस्पताल धनगढीमा गरिएको परीक्षणमा डोटीका ३७ जना, कैलालीका ८ जना र कन्चनपुरमा ८ जना गरी आज जम्मा २१० जनामा संक्रमण पुष्टि भएको छ । आज थपिएका २१० जना थपिएसँगै सँगै नेपालमा कोरोना संक्रमितको कूल संख्या १९ हजार २७३ पुगेको छ ।

आज काठमाण्डौंका ४८ जनासहित ३११ जनामा कोरोना संक्रमण, संक्रमितको संख्या १९ हजार नाघ्यो