Sansar News
१५ साउन, काठमाडौँ । राजधानीको कमलादीमा भेटिएको नक्कली सुन र सो प्रकरणबारे अनुसन्धान गर्न महानगरीय प्रहरी कार्यलय रानीपोखरीले प्रहरी वरिष्ठ उपरीक्षक (एसएसपी) को नेतृत्वमा समिति बनाएको छ ।
महानगरीय प्रहरी कार्यालय रानीपोखरीका प्रमुख डिआइजी विश्वराज पोखरेलले सो प्रकरणबारे अनुसन्धान गर्न महानगरीय अपराध अनुसन्धान महाशाखाका एसएसपी दीपक थापाको नेतृत्वमा पाँच सदस्यीय समिति बनाएका हुन् ।
मंगलबार कमलादीबाट बरामद भएको भनिएको सुनजस्तै देखिने वस्तु परीक्षण गर्दा साढे १४ किलो चाँदी र अधा किलो सुन रहेको पुष्टि भएको थियो । त्यसबखत दुई थान पेस्तोलसमेत बरामद भएको प्रहरीले बताउदैँ आएको छ । तचर सो सामान बोकेर आएको स्कार्पियो भने चेक जाँच छल्दै सामान फ्याकेर भागेको थियो ।
‘अपराधिले सामान फ्याकेर आफू बच्नका लागि भागेको देखियो । समान समात्न सकियो , गाडी र मान्टे समात्न सकिएन । कहाँ र कसरी कमजोरी भयो, त्यसको अनुसन्भान हुन्छ,’ महानगरीय प्रहरी कार्यालय रानीपोखरीका प्रमुख डिआइजी पोखरेलले बताएको विहिबारको राजधानी दैनिकमा समाचार छ ।
काठमाण्डौं प्रहरीको लापरवाहीले १४ किलो चाँदी र आधा किलो सुन बोकेको गाडीका साथै अभियुक्त भाग्न सफल भएको भन्दै प्रहरीको आलोचना समेत हुँदै आएको छ ।
वि.सं.२०७७ साउन १५ बिहीवार ०९:४१ मा प्रकाशित
