हामी सबैकाे संसारन्यूज

काठमाडौं । नेपाली बजारमा सुनको मुल्यमा फेरि बढोत्तरी आएको छ । नेपाल सुनचाँदी व्यवसायी महासंघले जनाएअनुसार बिहिबारको तुलनामा सुुन तोलामा ३ सय बढेको हो । यससँगै सुनको मुल्य प्रतितोला ९९ हजार ३ सय रुपैयाँ पुगेको छ ।

महासंघले जनाएअनुसार आइतरबारदेखि सुनको मुल्य दैनिक बढिरहेको छ । गत आइतबार सुनको मुल्य प्रतितोला ९६ हजार ३ सय रुपैयाँ थियो ।

सुनको मुल्यमा बढोत्तरी आउँदा चाँदीकाे मुल्य भने केहि दिनदेखि घटिरहेको छ । बिहिबारको तुलनामा चाँदीको मुल्यमा प्रतितोला २५ रुपैयाँले गिरावट आएको महासंघले जनाएकाे छ । महासंघले जनाएअनुसार आज चाँदीको भाउ प्रतितोला १ हजार २ रुपैयाँ छ ।

कोरोना महामारीको कारण अन्य व्यवसायीक क्षेत्रमा समस्या पर्दा लगानीकर्ताहरुले सुनमा लगानी गरेसँगै सुनको मूल्यमा बढोत्तरी आएको जानकारहरूको भनाई छ । पछिल्लो समय अन्तराष्ट्रिय रुपमै सुनको मुल्यमा अनौठो बढोत्तरी छ ।