हामी सबैकाे संसारन्यूज

काठमाडौं । प्रहरी प्रधान कार्यालय नक्सालमा कार्यरत थप २८ जना प्रहरीमा कोरोना भाइरस (कोभिड–१९)को संक्रमण देखिएको छ । प्रहरी अस्पताल महाराजगञ्जमा गरिएको परीक्षणमा थप २८ जनामा कोरोना संक्रमण देखिएको हो ।

यससँगै प्रहरी प्रधान कार्यालयमा कार्यरत ७२ जनामा कोरोना संक्रमण पुष्टी भएको छ । नेपाल प्रहरीका प्रवक्ता एसएसपी कुबेरबहादुर कडायतले जानकारी दिएअनुसार बिहिबार साँझ र शुक्रबार गरिएको परीक्षणमा २८ जनामा कोरोना संक्रमण देखिएको हो ।

सवारी र सञ्चार शाखामा कार्यरत प्रहरीमा संक्रमण देखिएसँगै अन्यको कन्ट्याक्ट ट्रेसिङ गरिएको थियो ।

पछिल्लो कोरोना संक्रमणको पुष्टी भएसँगै हालसम्म देशभर कोरोना संक्रमित प्रहरीको संख्या २५० पुगेको छ । यसअघि जिल्ला प्रहरी कार्यालय स्याङ्जामा एसपीसहित ३८ जना प्रहरीमा कोरोना संक्रमण देखिएको थियो ।

सम्बन्धित समाचार

प्रहरी हेडक्वाटरमा थप ९ जनामा कोरोना संक्रमण, संक्रमितको संख्या ४४ पुग्यो