हामी सबैकाे संसारन्यूज

काठमाडौं । प्रहरी प्रधान कार्यालय नक्सालमा कार्यरत थप ९ जना प्रहरीमा कोरोना संक्रमण पुष्टी भएको छ । प्रहरी अस्पताल महाराजगञ्जमा गरिएको परीक्षणमा थप ९ जनामा कोरोना संक्रमण देखिएको हो ।

यससँगै प्रहरी प्रधान कार्यालयमा कार्यरत ४४ जनामा कोरोना संक्रमण पुष्टि भएको नेपाल प्रहरी प्रवक्ता एसएसपी कुबेरबहादुर कडायतले जानकारी दिए । उनका अनुसार प्रधान कार्यालयको सञ्चार, सवारी शाखालगायतमा कार्यारत प्रहरीमा कोरोना देखिएको हो ।

कोरोना संक्रमित देखिएका प्रहरीको कन्ट्रयाक्ट टेसिङ सुरु गरिएको उनले जनाए ।

पछिल्लो कोरोना संक्रमणको पुष्टी भएसँगै देशभर कोरोना संक्रमित प्रहरीको संख्या २ सय २१ पुगेको प्रहरी प्रधान कार्यालयले जनाएको छ । यसअघि जिल्ला प्रहरी कार्यालय स्याङ्जामा एसपीसहित ३८ जना प्रहरीमा कोरोना संक्रमण देखिएको थियो ।