Sansar News
काठमाडौं । प्रधानमन्त्री केपी शर्मा ओली आफ्नो निजि निवास बालकोट पुगेका छन् । पार्टी विवादबारे अर्का अध्यक्ष पुष्पकमल दाहाल ‘प्रचण्ड’सँग छलफल गरेका उनी छलफल सकिएसँगै भक्तपुरस्थित आफ्नो निजी निवास बालकोट पुगेका हुन् ।
उनका प्रेस सल्लाहकार सुर्य थापाका अनुसार उनी काम विशेष नभई घर हेर्न मात्रै बालकोट पुगेका हुन् । ओली मृगौलाको उपचारपछि बालकोट गएका थिएनन् ।
बालकोटका हाल उनका सहयोगी भनेर चिनिने नेता गोकुल बाँस्कोटा बस्दै आएका छन् । राजनीतिक समस्याका बेला बाँस्कोटाले ओलीलाई सहयोग गर्दै आएका छन् ।
प्रचण्डसँगको छलफल लगत्तै बालकोट पुग्नुलाई अर्थपूर्णं रुपमा हेरिएको छ ।
आजमात्रै ओलीले अर्का अध्यक्ष प्रचण्डसँग पार्टीको आन्तरिक विवादबारे छलफल गरेका थिए । उनले पार्टीको आन्तरिक विवादको हल खोज्न सचिवालय बैठक राख्नुपर्ने पर्ने प्रस्ताव राखेका थिए ।
वि.सं.२०७७ साउन १९ सोमवार १२:५१ मा प्रकाशित
