Sansar News
काठमाडौं । केहि दिनदेखि निरन्तर बढेको सुनको मुल्य आज भने स्थिर रहेको छ । नेपाल सुनचाँदी महासंघले जनाएअनुसार आइतबारको तुलनामा सोमबार सुनको मुल्यमा कुनै घटबढ भएको छैन् ।
महासंघले जनाएअनुसार सोमबार नेपाली बजारमा छापावाल सुनको मुल्य प्रतितोला ९९ हजार ६ सय छ भने तेजावी सुनको मुल्य प्रतितोला ९९ हजार १ सय ६० छ ।
सुनको मूल्यसँगै चाँदीको मुल्यमा पनि सोमबार कुनै घटबड नभएको सुनचाँदी व्यवसायी महासंघले जनाएको छ । आज चाँदी प्रतितोला १ हजार २ सय ३० छ ।
कोरोना महामारीको कारण अन्य व्यवसायीक क्षेत्रमा समस्या पर्दा लगानीकर्ताहरुले सुनमा लगानी गरेसँगै केहि दिनदेखि सुनको मूल्यमा अनौठो बढोत्तरी देखिएको थियो । पछिल्लो समय अन्तराष्ट्रिय रुपमै सुनको मुल्यमा बढोत्तरी आएको छ ।
वि.सं.२०७७ साउन १९ सोमवार १३:२१ मा प्रकाशित
