Sansar News
१९ साउन, मोरङ । प्रदेश १ का मुख्य न्यायायाधिवक्ता चूडामणि आचार्यसहित विराटनगरका १८ जनालाई कोरोना संक्रमण पुष्टि भएको छ ।
विराटनगर महानगरपालिका वडा नम्बर ५ स्थायी ठेगाना भएका मुख्य न्यायायाधिवक्ता आचार्यको परिवारका तीनजना सदस्यसहित १८ जनालाई कोरोना पोजेटिभ देखिएको हो ।
संक्रमितहरुमा विराटनगर वडा नम्बर ५ का ३ जना, प्रदेश प्रहरी कार्यालय विराटनगरका ७ जना, विराटनगर–७ का ४ जना र विराटनगर–६ का १ जना रहेका छन् । महानगरपालिका जनस्वास्थ्य प्रमुख रमेश कार्कीका अनुसार विराटनगर ७ का ३० र ३६ वर्षीया महिला र २५ र ४५ वर्षीय पुरुष तथा ६ का २४ वर्षीय पुरुषलाई कोरोना पुष्टि भएको छ ।
उनलाई कहाँबाट कोरोना संक्रमण भयो खुलेको छैन । केही दिनअघि मुख्य न्यायाधिवक्ता आचार्यलाई सामान्य ज्वरो आएको थियो । ज्वरो आएसँगै उनी होम क्वारेन्टिनमा बसेका थिए ।
मुख्य न्यायाधिवक्तालाई कोरोना देखिएसँगै प्रदेश सरकारका मुख्यमन्त्री, मन्त्री तथा उच्च अधिकारीहरुले सतर्कता अपनाएका छन् ।
कोशी अस्पतालमा कार्यरत २ जना र विराट मेडिकल कलेजमा कार्यरत एक जनामा समेत संक्रमण पुष्टि भएसँगै विराटनगर महानगरपालिकामा संक्रमितको संख्या १३८ पुगेको छ ।
वि.सं.२०७७ साउन १९ सोमवार १४:४० मा प्रकाशित
