हामी सबैकाे संसारन्यूज

१९ साउन । अमेरिकाका सबैभन्दा प्रसिद्ध कोरोना विशेषज्ञ डा. एन्थोनी फौचीले कोरोनाबाट सुरक्षित रहन मास्क जस्तै चश्मा पनि लगाउन आवश्यक रहेको बताएका छन् ।

उनका अनुसार मास्कका साथै आँखामा चश्मा वा आई शील्ड लगाउनु मान्छेहरुलाई भाइरसबाट जोगिने राम्रो सुरक्षा हो । यद्यपि, डब्ल्यूएचओ वा विभिन्न देशका सरकारी एजेन्सीहरूले सर्वसाधारणको चश्मा लगाउन कुनै अपील गरेका छैनन् ।

एक संसारमाध्यमसँगको अन्तर्वार्तामामा अमेरिकाको शीर्ष संक्रामक रोग विशेषज्ञ तथा ट्रम्प सरकारको कोरोना टास्क फोर्सका सदस्य फौचिले भनेका थिए ‘यदि तपाईसँग चश्मा वा आई शील्ड छ भने तपाईले त्यसलाई प्रयोग गर्नुपर्छ । प्रत्येक परिस्थितिमा यो गर्न उचित हुँदैन, तर यदि तपाईं पूर्ण रूपमा सुरक्षित हुन चाहानुहुन्छ भने तपाईंले सायद यो गर्नु पर्छ, यदि तपाईंले सक्नुहुन्छ भने ।’

डा एन्थोनी फौचिले भनेका छन् ः सिद्धान्त तपाईले आँखा, नाक र मुख, सबै कुरा जोगाउनु पर्छ । अमेरिकाको प्रमुख संस्था सीडीसीले मानिसहरूलाई उनीहरूको नाक र मुखमा मास्क लगाउन भन्यो तर भाइरस आँखाबाट पनि फैलिन सक्छ ।

विश्वमा हाल कोरोना भाइरसको कूल संक्रमित संख्या १.७७ करोड रहेको छ । हालसम्म ६.८३ लाख मानिस कोरोनाबाट मरेका छन् । भारत र अमेरिकालगायत धेरै देशहरूमा कोरोनाका केसहरू द्रुत गतिमा बढिरहेका छन् ।(एजेन्सी)