Sansar News
२० साउन, काठमाडौं । अफ्रिकामा मृत्यु भएका पाँचथरका युवामा कोरोना संक्रमण भएको पुष्टि भएको छ ।
पाँचथर घर भई दक्षिण अफ्रिकाको जोहन्सवर्गमा कार्यरत नियालसन बोखिम लिम्बुको कोरोना संक्रमणका कारण मृत्यु भएको पुष्टि भएको हो ।
वाशिङ पाउडर बनाउने कारखानामा सुपरभाइजरका रुपमा कार्यरत उनको साउन १५ गते मृत्यु भएको थियो ।
विश्वव्यापी रुपमा फैलिएको कोरोना भाइरसको संक्रमण पछिल्लोपटक अफ्रिकामा पनि तिब्ररुपमा बढ्दै गएको छ ।
गैरआवासीय नेपाली अभियन्ता तथा एनआरएनएका पूर्व कोषाध्यक्ष हिक्मत थापाका अनुसार साउथ अफ्रिका, नाइजेरिया, इजिप्ट र आइभोरी कोस्टमा हालसम्म २२ जना नेपालीमा कोरोना संक्रमण भएको छ । जसमा १० जना निको भइसकेको, ११ जना उपचाररत रहेको र १ जनाको मृत्यु भएको हो ।
वि.सं.२०७७ साउन २० मंगलवार ०९:५१ मा प्रकाशित
