हामी सबैकाे संसारन्यूज

१६ साउन । अफ्रिका महादेशको दक्षिण अफ्रिका जोहन्सबर्गमा कार्यरत एक नेपाली युवाको निधन भएको छ । पाँचथरका ३४ बर्षीय नियालसन बोखिम लिम्बुको निधन भएको गैरआवासीय नेपाली अभियान्ता हिक्मत थापाले जानकारी दिएका छन् ।

उनको मृत्यु कोरोनाका कारण भएको आशंका गरिएको जानकारी दिँदै उनले त्यसको पुष्टि भोलि आउने कोरोनाको रिपोर्टबाट थाहा हुने बताएका छन् ।

लिम्बू वाशिङ्ग पाउडर बनाउने कारखानामा सेक्युरिटी सुपरभाइजरको रुपमा कार्यरत थिए ।

अघिल्लो साता अफ्रिकी मुलुकमा कोरोना भाइरसबाट संक्रमित नेपालीमध्ये अधिकांश संक्रमणमुक्त भएपनि यो साता त्यहाँ संक्रमणदर केही बढेको जानकारी गैरआवासीय नेपाली संघ स्वास्थ्य समितिले दिएको छ।