हामी सबैकाे संसारन्यूज

१६ साउन, काठमाडौं । अफ्रिका महादेशको दक्षिण अफ्रिकामा एक नेपाली युवाको मृत्यु भएको छ ।

जोहान्सवर्गमा कार्यरत पाँचथर घर भइ हाल झापाबासी ३४ वर्षीय नियालसन बोखिम लिम्बुको विहिबार ९साउन १५० मृत्यु भएको हो ।

वाशिङ पाउडर बनाउने कारखानामा सेक्युरेटी सुपरभाइजरको रुपमा कार्यरत रहेका लिम्बुको मृत्युको कारण कोरोना संक्रमण भएको हुनसक्ने आशंका गरिएको छ ।
कोरोना जाँचको लागि लिइएको नमुनाको रिर्पोट आज आउने बताइएको छ ।

अफ्रिकामा पछिल्लोपटक बढ्दै गइरहेको कोरोना संक्रमणका कारण अफ्रिकाका केही देशमा कार्यरत नेपालीहरु समेत संक्रमित भइसकेको अवस्थामा लिम्बुको मृत्युले सिंगो अफ्रिकामा कार्यरत नेपालीहरु दुःखी भएको नाइजेरियामा कार्यरत गैरआवासीय नेपाली अभियन्ता तथा एनआरएनएका पुर्वकोषाध्यक्ष हिक्मत थापाले संसारन्युजलाई बताएका छन् ।