हामी सबैकाे संसारन्यूज

२१ साउन, काठमाडौं । कोरोना भाइरसको संक्रमणबाट काठमाडौंमा एक जनाको मृत्यु भएको छ । कोरोना संक्रमित ६५ वर्षीया एक महिलाको बलम्बुस्थित सशस्त्र प्रहरीको अस्पतालमा मृत्यु भएको हो ।

बलम्बुस्थित सशस्त्र प्रहरीको अस्पतालमा उपचाररत सर्लाही–६ मलंगवाकी ६५ वर्षीया महिलाको मृत्यु भएको अस्पतालले जानकारी दिएको छ ।

ज्वरो र निमोनियाबाट ग्रस्त भएपछि ती महिला साउन १६ गते स्वयम्बुस्थित मनमोहन अस्पताल भर्ना भएकी थिइन् । उनमा थप समस्या देखिएपछि भेन्टिलेटरमा राखेर उपचार गराइएको थियो ।

साउन १८ गते स्वाब परीक्षण गर्दा कोरोना भाइरस पोजेटिभ देखिएपछि थप उपचारका लागि साउन १९ गते उनलाई प्रहरी अस्पताल भर्ना गराइएको थियो । भेन्टिलेटरमा राखेर उपचार भैरहेको ती महिलाको उपचारको क्रममा बुधबार मृत्यु भएको हो ।

यससँगै नेपालमा कोरोनबाट मृत्यु हुनेको संख्या ६१ पुगेको छ । आजै कोरोनाबाट ३ जनाको मृत्यु भएको छ । यसअघि विरगञ्ज पर्साका दुई जनाको कोरोनाका कारण मृत्यु भएको थियो ।