Sansar News
२२ साउन, काठमाण्डौं । राष्ट्रिय परीक्षा बोर्डले परीक्षा शुल्क सम्बन्धी सूचना प्रकाशित गरेको छ ।
विहिबार एक सूचना जारी गर्दै बोर्डले कक्षा ११ को परीक्षा सन्चालन, व्यवस्थापन, मूल्यांकन नतिजा प्रकाशन तथा प्रमाणीकरण कार्यविधि २०७७ मा व्यवस्थापन भए अनुसार कक्षा ११ को वार्षिकी परीक्षा सन्चालन विद्यालयले नै गर्ने भएकाले २०७७ सालको कक्षा ११ को बार्षिक परीक्षामा सहभागी हुनका लागि बुझाएको परीक्षा शुल्क बोर्डमा बुझाइसकेका विद्यार्थीहरुका सम्बन्धमा विद्यार्थीले सम्बन्धीत विद्यालयमार्फत् बोर्डमा बुझाएको परीक्षा शुल्क रु ६०० मध्ये परीक्षा संचालन तयारीका क्रममा भएको खर्च बापत २०० कट्टा गरी बाँकी ४ सय नियमित परीक्षार्थीको हकमा आगामी वर्ष सन्चालन हुने कक्षा १२ को वार्षिक परीक्षा शुल्कमा समायोजन गर्ने र आंशिक ग्रेड\वृद्धि परीक्षार्थीहरुको हकमा बोर्डले सन्चालन गर्ने बार्षिक परीक्षामा सहभागी हुने भएमा सोहि परीक्षा शुल्कमा समायोजन गर्ने, परीक्षामा सहभागी हुनु नपर्ने विद्यार्थीहरुको हकमा कक्षा १२ को प्रमाणपत्रको शुल्कमा समायोजन गर्ने निर्णय भएको जनाएको छ ।
वि.सं.२०७७ साउन २२ बिहीवार १०:३६ मा प्रकाशित
