Sansar News
काठमाडौं । सुनको मुल्य निरन्तर उकालोमा छ । लाखमाथि पुगेको सुनको मुल्य दैनिक १ हजारभन्दा बढिको दरले बढिरहेको छ ।
शुक्रबार पनि तोलामा १ हजार रुपैयाँले बढेको नेपाल सुनचाँदी व्यवसायी महासंघले जनाएको छ । योसँगै शुक्रबार नेपाली बजारमा सुनको मुल्य प्रतितोला १ लाख ३ हजार ५ सय रुपैयाँ पुगेको छ ।
यसअघि बिहिबार पनि तोलामै ११ सय रुपैयाँले बढेको थियो । बिहिबार नेपाली बजारमा सुनको मुल्य १ लाख २ हजार पाँच सय रुपैयाँ थियो ।
महासंघले जनाएअनुसार सुनको मुल्यसँगै चाँदीको मुल्यमा पनि बढोत्तरी आएको छ । शुक्रबार चाँदीको मुल्य प्रतितोला १ हजार ४ सय ५ पुगेको छ । यसअघि बिहिबार चाँदीको मुल्य प्रतितोला १ हजार ३ सय ४५ रुपैयाँ थियो ।
महासंघले जनाएअनुसार शुक्रबार कायम भएको सुन तथा चाँदीको मुल्य हालसम्मकै उच्च हो ।
वि.सं.२०७७ साउन २३ शुक्रवार ११:४१ मा प्रकाशित
