Sansar News
काठमाडौं । गोंगबुमा विभत्स हत्या भएको अवस्थामा फेला परेको शवको पहिचान भएको छ । गोंगबु गणेस्थानमा सुटकेशमा फेला परेको शवको सनाखत भएको महानगरीय प्रहरीले जनाएको छ ।
महानगरीय प्रहरीले जनाएअनुसार भेटिएको शव दाङका कृष्णबहादुर बोहराको हो । मृतक काठमाडौंको नयाँ बजारस्थित एक गार्मेन्टका कार्यरत रहेकोसमेत खुलेको छ ।
आइतबार बिहान टाउको, खुट्टा र जीउ छुट्टाएको अवस्थामा शवको टुक्रा बरामद भएको थियो । झोलामा रगत लतपतीएको देखेपछि स्थानीयले प्रहरीलाई खबर गरेका थिए ।
टुक्रा–टुक्रामा भेटिएको शव कसको हो भन्ने प्रहरीले छुट्याउन सकेको थिएन । प्रहरीले शव पहिचान गर्न नसकेपछि फोटो सार्वजनिक गरेको थियो ।
मृतकको शवको पहिचान गरेपनि प्रहरीले अहिलेसम्म हत्यारा भने पत्ता लगाउन भने सकेको छैन् । कसले किन हत्या गरेको भन्ने विषयमा प्रहरी अन्यौंलमै छ ।
वि.सं.२०७७ साउन २६ सोमवार १७:१२ मा प्रकाशित
