Sansar News
२५ साउन काठमाण्डौं । नेपालमा आज काठमाडौंका २ सहित ४ जनाको कोरोना संक्रमणबाट मृत्यु भएको पुष्टि भएको छ ।
स्वास्थ्य तथा जनसंख्या मन्त्रालयका अनुसार आज (सोमबार) मृत्यु भएको पुष्टि भएकामा काठमाण्डौंका २, पर्साका १ र बाँकेका १ गरी ४ जना रहेका छन् ।
मन्त्रालयका अनुसार बाँकेको कोहलपुर नगरपालिका २ की ७० वर्षीया महिलाको नेपालगन्ज मेडिकल कलेज कोहलपुरमा उपचारका क्रममा साउन २५ गते दिउँसो मृत्यु भएको छ ।
साउन २३ गते अस्पतालमा भर्ना भएकी उनमा उच्च रक्तचापको समस्या रहेको मन्त्रालयको नियमित पत्रकार सम्मेलनमा जानकारी दिइएको छ ।
त्यसैगरी पर्साको वेदियादी गाउँपालिका १५ की ४५ वर्षीया एक महिलाको साउन २५ गते विहान ४ बजे नारायणी अस्थायी कोभिड अस्पतालमा उपचारका क्रममा मृत्यु भएको छ ।
त्यस्तै काठमाण्डौं महानगरपालिका १० मध्यवानेश्वरका ७६ वर्षीय एक पुरुषको साउन २६ गते विहान मेडिसिटी अस्पताल ललितपुरमा उपचारका क्रममा मृत्यु भएको छ ।
काठमाडौंकै किर्तिपुर नगरपालिका ट्याङलाफाँटका ६४ वर्षीय पुरुषको पनि साउन २६ गते बिहान मृत्यु भएको मन्त्रालयले जानकारी दिएको छ ।
आज मृत्यु भएको पुष्टि भएका ४ जनासँगै नेपालमा कोरोना संक्रमणबाट मृत्यु हुनेको संख्या ७९ पुगेको छ ।
कोरोना संक्रमणबाट आज २० वर्षीया युवतीसहित दुईको मृत्यु, मृतकको संख्या ७५ पुग्यो
वि.सं.२०७७ साउन २६ सोमवार १७:१८ मा प्रकाशित
