Sansar News
१० अगष्ट । पर्वतेलीहरुको साझा संस्था पर्वत वेल्फेयर सोसाईटी (यूके)ले पर्वतको बिहादी गाउँपालिका–५ उराम सिव्दीखोलाका पहिरो पीडितलाई आर्थिक सहयोग गरेको छ ।
असार १५ गते गएको पहिरोका कारण समस्यामा परेका भगीरथी काफ्लेलाई र चेतराम काफ्लेलाई रु.२५/२५ हजार गरी रु. ५० हजार सहयोग गरेको पर्वत वेल्फेयर सोसाईटी यूके (बेलायत) का सदस्य भीमलाल भट्टराईले जानकारी दिए ।
उराममा पहिरो गए लगत्तै सोसाईटीका अध्यक्ष नेत्र आले लगायत पदाधिकारीहरुको बैठकले भीमलाल भट्टराईको संयोजकत्वमा रकम हस्तन्तारण गर्ने निर्णय गरेको थियो ।
उक्त रकम उरामका वडा अध्यक्ष श्यामवहादुर केसी, स्थानिय समाजसेवी ताराप्रसाद भुसाल, छविलाल काफ्ले, पुर्ण काफ्फे तथा स्थानिय युवा सुमन भुसालको सहयोगमा पीडितलाई रकम हस्तान्तरण गरिएको संस्थाले जनाएको छ ।
वि.सं.२०७७ साउन २६ सोमवार १७:५१ मा प्रकाशित
