Sansar News
२७ साउन काठमाण्डौं । नेपालमा आज कोरोना संक्रमणबाट ४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज मृत्यु भएको पुष्टि हुनेमा धनुषाका २ जना तथा काभ्रे र सिन्धुपाल्चोकका १÷१ जना गरी चारजनाको मृत्यु भएको पुष्टि भएको हो ।
मन्त्रालयले दिएको जानकारी अनुसार आज मृत्यु पुष्टि भएकामा धनुषा विदेश नगरपालिका वडा नं ८ का ६० वर्षीय पुरुषको साउन २६ गते राति १० बजे प्रादेशिक अस्पताल जनकपुरमा मृत्यु भएको छ ।
धनुषाकै मिथिला बिहारी नगरपालिका वडा नं ५ का क्यान्सर अस्पताल जनकपुरमा कामगर्ने ५० वर्षीय पुरुषको साउन २५ गते मृत्यु भएको छ ।
त्यस्तै काभ्रेको पाँचखाल नगरपालिका वडा नं १ का ५० वर्षीया महिलाको साउन २७ गते किस्ट मेडिकल कलेज शिक्षण अस्पताल ललितपुरमा उपचारका क्रममा मृत्यु भएको छ ।
सिन्धुपाल्चोक बाह्रबिसे नगरपालिका वडा नं ४ का ८४ वर्षीय पुरुषको साउन २२ गते मनमोहन कार्डियो भास्कुलर तथा ट्रान्सप्लान्ट सेन्टर महाराजगन्जमा उपचारका क्रममा मृत्यु भएको पुष्टि भएको छ ।
कोरोना संक्रमणबाट आज मृत्यु भएको पुष्टि भएका ४ जनासँगै नेपालमा हालसम्म संक्रमणबाट मृत्यु हुनेको संख्या ८३ पुगेको छ ।
कोरोना संक्रमणबाट आज काठमाडौँका २ सहित ४ जनाको मृत्यु, मृतकको संख्या ७९ पुग्यो
वि.सं.२०७७ साउन २७ मंगलवार १७:५२ मा प्रकाशित
