Sansar News
२७ साउन, काठमाडौं । नेपालका विभिन्न अस्पतालमा कोरोना संक्रमितको उपचारमा खटिएका १८३ जना स्वास्थ्यकर्मीमा कोरोना संक्रमण भएको छ ।
स्वास्थ्य तथा जनसंख्या मन्त्रालयले मंगलबार दिएको जनकारी अनुसार हालसम्म प्रदेश १ मा महिला १ र पुरुष ७ जना गरी ८ जना, प्रदेश २ मा २० महिला र पुरुष ५८ गरी ७८ जना, बाग्मती प्रदेशमा महिला ८ र पुरुष ८ गरी १६ जना, गण्डकी प्रदेशमा महिला ६ र पुरुष १४ गरी २० जना, प्रदेश ५ मा महिला ६ र पुरुष ६ गरी १२ जना, कर्णली प्रदेशमा महिला ६ र पुरुष १६ गरी २१ जना र सुदुरपश्चिम प्रदेशमा महिला १३ र पुरुष १४ जना गरी जम्मा २७ जना संक्रमित भएका छन् ।
देशरैभरी कुल संक्रमित १८३ जनामा महिला ६० जना र पुरुष १२३ जना रहेका छन् ।
ह्वात्तै बढ्यो कोरोना संक्रमितको संख्या, आज काठमाण्डौं उपत्यकाका १३२ सहित ६३८ जना संक्रमित थपिए
वि.सं.२०७७ साउन २७ मंगलवार १८:३१ मा प्रकाशित
