हामी सबैकाे संसारन्यूज

काठमाडौं । अब काठमाडौं उपत्यका भित्रन मात्रै नभई उपत्यकाबाट बाहिरी जिल्ला जान पनि समस्या हुने भएको छ । काठमाडौं जिल्ला प्रशासनले बिहिबारदेखि लागु हुने गरि सवारी पास बन्दको निर्णय गरेको हो ।

गृह मन्त्रालयले बुधबार साँझ अर्को व्यवस्था नभएसम्मको लागि भन्दै ७७ वटै जिल्ला प्रशासनलाई सवारी पास वितरण बन्द गर्न निर्देशन दिएको थियो । काठमाडौं जिल्ला प्रशासनका प्रशासकीय अधिकृत कमलप्रसाद पाण्डेका अनुसार गृहको निर्देशनअनुसार नै काठमाडौं जिल्ला प्रशासनले आजदेखि सवारी पास वितरणलाई बन्द गरेको हो ।

सवारी पास वितरणको काम अर्को व्यवस्था नभएसम्म बन्द रहने जिल्ला प्रशासन कार्यालय काठमाडौंको सूचनामा जनाइएको छ ।

यसअघि लकडाउनको समयमा पनि काठमाडौं उपत्यकाबाट बाहिरि जिल्ला जान सहज बनाइएको थियो भने बाहिरी जिल्लाबाट काठमाडौं प्रवेश गर्न कडाई गरिएको थियो । काठमाडौं प्रवेशका मुख्य नाकाहरुमा प्रवेशमा निकै कडाई गरिएको थियो । तर, यो निर्णयसँगै काठमाडौं भित्रन मात्रै नभई बाहिरी जिल्ला जान पनि समस्या हुने भएको छ ।

यस्तो छ जिल्ला प्रशासन कार्यालय, काठमाडौंको सूचना