Sansar News
३१ साउन, वीरगञ्ज । कोरोना संक्रमणबाट वीरगञ्जमा थप एक जनाको मृत्यु भएको छ । वीरगञ्ज २६ अठराह सुगौली बस्ने ४७ वर्षीय पुरुषको मृत्यु भएको हो ।
एकसातादेखि ज्वरोका साथै स्वासप्रश्वासमा समस्या देखिएका उनलाई थप उपचारका लागि आज अस्पताल ल्याउँदै गर्दा बाटामै मृत्यु भएको हो ।
मृत्युपछि नारायणी अस्पतालमा उनको स्वाब संकलन गरेर पीसीआर परीक्षण गराउँदा रिपोर्ट पोजेटिभ आएको नारायणी अस्पतालका मेडिकल सुपरीटेन्डेन्ट डाक्टर मदन उपाध्यायले जानकारी दिए ।
यससँगै नेपालमा कोरोनाका कारण मृत्यु हुनेको संख्या १०३ पुगेको छ । आजमात्र ४ जनाको मृत्यु भएको छ ।
वि.सं.२०७७ साउन ३१ शनिवार १९:४० मा प्रकाशित
